有時D 野又無得咁計既~
總有人去過歐洲﹐但又未去過九寨溝
咁Q 又係旺季﹐咪去囉~

現代旅行社﹐真係未聽過窩~

我有個經驗
返國內旅遊如果要跟團的話
當然是參加中旅社喇
話晒都是國家旅遊局經營
管理和處理投訴都會好重視的

我試過一次旺季跟團去河南河北的西安、洛陽、鄭州
當然有香港領隊 (後來才知道這個領隊是 part time 的，因為旺季要找外緩)
去到鄭州就有個當地領隊跟足咁多日
然後去每一個城市都有唔同的接待單位介紹當地的風土人情
當時去到西安，個當地導遊除了帶我們遊景點外，仲去左好多佢地可以賺錢的地方
當晚我地同香港領隊和國內領隊投訴後
佢地都會話同返個導遊反映，第二日已經無再去看中醫和參觀工廠了

由鄭州去西安我地是要坐一晚火車的
但是上到火車時，發覺比其他霸佔左部份房間
可能當時那些人是買了假票喇
好在個鄭州領隊又即時處理，好快就搞得掂

去黃河時，領隊都提醒過團友，如果自費找娛樂時要小心點
因為有好多個體戶都有提供馬匹出租
但是好多時討價後又會有另一個價
有部份團友自已走去騎馬，又真係比個馬伕屈
個團友走去找領隊幫忙
哈哈~~~個領隊是一個嬌聲嬌氣的小姑娘
點知佢一聽到團友比人屈後
第一時間走去同佢交涉
估唔到個靚女一發惡時都幾惡喎
當然最後都幫到個團友唔使比人屈喇
佢後來講返，因為當地的收入都幾靠旅遊業來支持
所以佢就撻國家旅遊局個朵
話個馬伕如果咁樣屈遊客的話，佢一定會上報的
到時個馬伕就唔使在果度搵食喇

跟住去到鄭州自由活動，
我去一間百貨公司 shopping 時
有個女售貨員對我好唔禮貌
講起就激氣，果陣我想試帽，
間百貨公司的帽是放在售貨員後面
要佢拎比我至可以試的
試多兩頂帽時，個女仔突然在我面前吐口水喎
哇~~~~咩百貨公司來架。。。
需然話隔住個玻璃櫃唔係吐在我面前
但是佢比我個感覺就是對我不滿
當時我就即時用我覺得好流利的普通話鬧佢
後來撞岩個領隊就同佢講喇
佢話可以投訴個女仔的
然後佢就幫我搵左個百貨公司主管來到大堂講返呢件事
個主管就即時叫條女落黎，要佢當眾向我道歉
果陣我見到條女好唔順氣架，即時眼紅紅咁唔肯出聲
後來見到佢地用當地方言講一大輪之後
個女仔就喊晒口咁講 "對唔住"
我覺得我無錯的，話晒佢地都是對外開放的大百貨公司
點可以有 d 咁的態度對待遊客架

呢次旅遊真是好開心架
傾傾下才知道個領導成家人都是在旅遊局做的
佢地要做領隊或導遊都要考牌，而且考的內容都好深的
後來返到香港後，我地都仲有繼續通信添
最後收個鄭州領隊的信時，佢話要去深圳考更高級的導遊牌

呢次之後，我返親內地旅遊都一定參加中旅社

真係咁好呀？難得難得

花子姐姐講得啱 !
長線旅遊我都會跟中旅 ,
短線就可以隨意 d ~
題外話:西安線真係值得去玩 !

嘩 !!   賤成咁...

估唔到除左騙內地人  連自由由都食埋

我唔係話八九千蚊旺季去九寨溝好貴..
因為.. 過萬都有..
但.. 只係覺得.. 唔算係平團..
應該唔係零團費接待丫...
全名七個字
xx中國旅行社


中旅都唔錯既...
我都有跟過...
難怪你指定跟中旅丫

係呀，我覺得西安線的行程好正架
話晒都有古都之稱
淨係聽導遊講歷史故仔都值回票價
最正是親身眼到兵馬俑
果種宏偉。。。真是正都無辦法形容
絕對值得去

同埋呢
我果次跟的團，有兩個團友是拿著康泰旅行袋的
原來是同康泰報團，然後就賣左比中旅
團費仲要貴過我地在中旅報名百幾元添

咁搞笑？
康泰都咁樣賣團？
真係賣豬仔喎...
不過.. 其實.. 我鐘意自遊行多d
黎緊十二月會去北海道自遊行

看完你自由行那個 post 了
真是好正丫

好耐之前試過東京自由行
唔識路，完全浪費時間
果陣機票又貴喎
返來後都唔知玩過乜
除左去迪士尼開心 d 之外
唉！上次真是唔扺玩