哈哈, flora 同嘈嘈都好落力咁估, 多謝捧場 ~
開估啦, 呢個世界上有幾類人我係好驚嘅, 因為佢地煩！尋日我有個friend 失戀, 走咗嚟我屋企又生又死玩咗我成晚, 搞到我d 貓都驚咗佢, 走晒落TV room 度訓, 唉！
最驚就係呢d 戀愛大過天嘅人, 一失戀真係會煩到d friend 死為止. 本來我同呢類人唔多夾, 但呢個friend 係我一到Canada 就識得嘅同學仔嚟, 我地亦係一齊讀U 嘅同學. 佢做嘢(工作上)係好叻嗰d 人, 但一拍拖就會變咗第二個人咁, 係好千依百順嗰隻...... 但都好奇怪, 偏偏呢類恨嫁恨到出晒面嘅人就係會嫁唔去嘅......
尋日佢又失戀, 放咗佢入屋我都知大鑊架喇...... 真係煩足我成晚呀！今日若然佢再嚟, 我驚我會失手殺咗佢囉 ~ 丟晒我地d 女人架啦, 所謂"仔去仔還在"吖嘛, 一街都係男人, 真係唔明有咩咁大件事！
我最怕人蠢同煩, 偏偏失戀嘅女人(仲要係要生要死呢種)就係人版, 真係死得！我招呼咗佢一晚已經係極限, 所以我家陣電話都熄埋, 屋企都唔開咁多燈, 扮人間蒸發嚟避咗佢囉........
你地係咪覺得我好衰呢？
