名 模 特 兒 陳 沛 嘉 （ Balia ） 和 陳 嘉 容 （ Eunis ） 向 來 不 咬 弦 ， 不 過 ， 前 晚 Eunis 行 騷 Balia 睇 騷 時 ， 兩 人 卻 忽 然 老 友 ， Eunis 更 主 動 輕 攬 Balia 纖 腰 ！

前 晚 ， 護 髮 品 牌 KERASTASE Paris 舉 行 髮 型 騷 ， 請 來 名 髮 型 師 Kim Robinson 為 Eunis 和 汪 圓 圓 等 四 位 模 特 兒 設 計 髮 型 ， 而 身 為 嘉 賓 的 Balia ， 亦 獲 Kim 為 她 設 計 髮 型 ， 相 當 「 有 面 」 ！

向 來 冇 偈 傾 的 Balia 和 Eunis ， 前 晚 在 大 合 照 時 分 站 左 右 兩 端 保 持 距 離 ， 當 司 儀 請 模 特 兒 和 嘉 賓 返 回 後 台 時 ， Eunis 即 極 速 閃 回 後 台 。 對 於 與 Eunis 同 場 ， Balia 受 訪 時說 ： 「 今 次 我 係 嘉 賓 ！ （ 地 位 比 較 高 ？ ） 唔 好 咁 講 ！ 」 當 記 者 要 求 她 跟 Eunis 合 照時 ， Balia 就 說 ： 「 為 客 戶 想 ， 今 次 唔 好 喇 ！ 」 另 邊 廂 的 Eunis 則 說 ： 「 唔 介 意 ， 好 開 心 ， 但 我 要 趕 住 走 ！ 」不 過 ， 大 會 最 終 都 成 功 安 排 Balia 和 Eunis 合 照 ， 兩 人 亦 各 自 交 足 戲 扮 老 友 ， Eunis 更 主 動 攬 Balia 纖 腰 問 候 她 ： 「 你 好 似 瘦 ！ 」 Balia 對 兩 人 鬧 不 和 後 的 首 次 合 照 亦 相 當 受 落 。

Kim 暗 寸 郭 子 輝
另 方 面 ， 記 者 問 到 Kim Robinson 對 郭 子 輝 北 上 發 展 髮 型 事 業 的 意 見 時 ， 就 句 句 有 骨 的 說 ： 「 好 多 髮 型 師 香 港 做 唔 掂 都 會 去 大 陸 發 展 ， 但 其 實 大 陸 都 有 好 好 髮 型 師 ， 佢 都 有 技 術 ， 不 過 如 果 有 技 術 ， 香 港 做 都 得 啦 ！ 」