睇左既朋友﹐歡迎入黎俾俾分(按右邊星星)﹐講講齣戲您鐘唔鐘意啦(中英文回覆都無問題架)!

尋找有關此電影的分享 >> 天藍幫您「搜」

岩岩講完 The Hills Have Eyes﹐順便就講埋續集啦。

上次講過 The Hills Have Eyes 既原版係由 Wes Craven 響 1977 年拍既﹐跟住響 85 年 Wes Craven 再執導拍第二集。   我未睇過所以無得比較﹐但今次既續集﹐唔係由返第一集既導演Alexandre Aja 執導﹐而係交由 Martin Weisz 呢位唔係咁多人認識既導演所執導。  

我自己就覺得﹐雖然個故事係跟返上集既背景繼續發展﹐但整套戲個氣氛都唔同左。  今集係講一班受訓中既軍人去到呢個沙漠﹐遇到及面對呢班響沙漠居住既變種人。  因為果一班係軍人﹐所以觀眾就無左以往所有既 "同情" 感覺。  以往通常都係發生響一班路過既普通人 (可能係一家人﹐可能係一班年青人..)﹐當普通人要面對呢班殘酷既變種人時﹐觀眾會鄧受害人緊張﹐會同佢地一齊感到無助。  但換轉係一班軍人﹐當鸜地被殺時﹐我就會覺得鸜地好屎﹐明明有槍又俾人地偷左... 有時真係想笑出黎添!