睇左既朋友﹐歡迎入黎俾俾分(按右邊星星)﹐講講齣戲您鐘唔鐘意(中英文回覆都無問題)?

尋找有關此電影的分享 >> 天藍幫您「搜」

睇完呢套戲﹐有少少唔開心.....  雖然個結局都算係 happy ending﹐但成套戲被一仲好黑暗好悲涼既感覺隆驟住﹐加埋 d憂怨既配樂﹐好容易就將觀眾帶入去導演想表達既世界裡面。

就咁睇劇名同埋戲種﹐表面上佢係一個童話故事﹐但其實唔係一個俾小朋友睇既童話故事﹐當您見到裡面 d 人物做型就估到勒﹐同我一齊睇既 minnie﹐睇完當晚發惡夢嚇醒左!  但佢又唔係算係恐怖喎!  如果調返轉被細路仔去睇﹐反而可能唔會發惡夢咁嚴重﹐點解呢?  因為呢套戲係拍俾大人睇既﹐所以細佬仔未必感受得到佢想講既悲涼世界﹐反而可能會覺得悶添!  Minnie 發惡夢﹐係因為佢既心情無形地被呢套戲影響﹐再加上裡面醜樣既怪物做型﹐雙管齊下﹐令到佢發惡夢。

劇情踢爆 - Spoiler Warning

劇中講述一個小女孩 (Ofelia) 既遭遇。個故仔發生響 1944 年既西班牙﹐當時國家正處於內戰之中。 我既感覺係﹐雖然呢個童話故事中既怪物做型咁恐怖﹐尤其係果隻坐響餐檯既守護者﹐佢係無眼既﹐而佢既眼珠放響碟上﹐個做型好正!  

但盡管 d 怪物有幾醜樣﹐都唔夠小女孩既計父咁 "醜陋"!!  "醜陋" 唔係指個樣﹐係指人性!!  

我亦好鐘意果一段 Ofelia 同佢未出世既細佬講: "您就黎要出世喇﹐您出到黎﹐會發現呢個世界唔係咁理想﹐有好多唔好既野﹐....﹐但您會好快見到我地既媽媽﹐佢好靚﹐好好人..." 嘩! 好感動呢!!  亦好明顯地帶出導演想講既訊息。  

另外一樣我領會到既﹐就係當 Ofelia 第一次見到果隻飛蟲﹐咁核突! 後來雖然隻飛蟲化身變左 Fairy﹐但都係一隻醜樣甚至有 d 恐怖既 fairy 添!  點解 Ofelia 覺得佢地咁親切可信架呢?  係唔係佢見慣呢個世界好多醜陋既野﹐所以 "見怪不怪" 呢?  甚至乎寧願相信呢 d "怪物" 呢?

最後一個問題﹐問下 d 睇左既朋友:  究竟戲裡面既 "另一個世界"﹐係 Ofelia 幻想出黎呢?  定係真係有個魔幻世界架呢?  (童話故事咩都有可能架嘛!)