睇左既朋友﹐歡迎入黎俾俾分(按右邊星星)﹐講講齣戲您鐘唔鐘意(中英文回覆都無問題)?

尋找有關此電影的分享 >> 天藍幫您「搜」

故事係講到一個一家三口既法國家庭﹐忽然有一日收到一盒無台頭既錄影帶﹐內容係好平淡地影住佢地屋企出面﹐影左兩個鐘有多!  盒帶又無講拍攝既原因或動機...... 報警警方又唔理... 初時都諗可能係個仔 d 同學既惡作劇﹐但後來當第二盒﹑第三盒錄影帶送到佢地屋企門外時﹐佢地覺得好唔妥勒。俾您﹐您會點做呢?

首先﹐呢套戲係法國導演所拍﹐所以個節奏同風格都同一般既荷里活電影有異。  我間唔中都鐘意睇一 d 歐洲片﹐因為荷里活既公式化電影﹐睇得多都真係有 d 厭。

Cache 除左係一套縣疑片外﹐其實都係一套劇情片。 好多人可能會覺得好 slow﹐如果想追求緊張刺激既視覺效果或劇情﹐咁呢套戲未必岩您勒。 但我就覺得呢套戲有一種無形既壓逼力﹐佢唔係用血腥核突去嚇您﹐而係用個戲氛劇情去令觀產生不安感﹐而其中原來導演係想影射出一段法國人感到羞恥亦好想忘記既一段歷史。  而到最後完場前既幾分鐘片段亦交代左一 d 野﹐但唔留心既觀眾係會完全錯過既!  好在我係睇 dvd﹐所以可以 rewind 再睇!  

劇情踢爆 Spoiler Warning

如果有邊個咁得閒去睇呢套戲﹐記得  PM 我!  因為我好想搵人傾下邊果係錄影既人﹐同埋有 d 疑團都想搵人傾下!