我想請問下大家﹐如果有個朋友既母親去世﹐參加喪禮時做白金係要點做法架呢?  有無話幾錢係公價呢?  我聽聞中國人係會專登做多少少﹐之後 d 家人又會回返禮﹐係唔係咁架呢?

唔該!

公價就未聽過, 但上一輩教落, 一定係單數! 而你講回禮 .... 應該叫做"吉儀", □邊多數有粒糖, 一元及毛巾或紙巾一張!

一般情況下, 離開喪禮時一定唔可以講"再見"這類說話, 通常講"保重"就算! 另外, 如果你本身有咩喜慶的話, 免得過都唔好去!

唔該晒阿蛋!  其實我係幫我朋友問﹐等我照您咁講話佢知先!

如果係呢個ge"喜慶"情況好似只係限『嫁娶』，其他例如滿月、動土或者係開光都可以照常。

『嫁娶』就要等下次農曆新年後就可以照常。不過"喜慶"最好呢d野就過左今年先再搞好d。

一定要單數，即係$51咁。。。
因為好事成雙麻
你駛唔駛去"大酒店" "開party"呀？
如果要，去完要臨返屋企前要去"行大運" (即係兜下路先返屋企，唔係行直路)
臨入屋前就食左粒糖同要用碌油葉水洗下身(淨手腳都ok)

仲有，唔係白金，係帛金呀

乜原來有咁多學問架..
一d 都唔識..
咁如果可唔可以順面講埋西方又會點做ar..

西方真係無咩特別
佢地自然好多，似係一個聚集
最後會將先人既遺物分比其他親人 (手飾0個0的)
有0的甚至會著得好causal，好似去街咁
佢地有時會無帛金，但係會將一個箱放0係門口比人放錢入去
最後收集到既錢會捐比慈善機構

原來如此...

基本上睇下係咪笑喪 ,
如果係就穿著唔駛咁避忌 ,
如果唔係就通常著d黑/灰o既衫 !
白金就睇親/疏啦 ~
係hk親o既我就俾hk$501 , 疏o既就hk$301 !
同埋睇下佢地家境啦 ~
如果家庭環境唔好我會俾多d !
至於去完喪禮都冇做特別儀式 ,
心安就得啦 !

前排岩岩搞完呢d野
一般黎講，帛金係用最忌整數ga
所以一般人都會再加個一蚊落去
公價黎樣野應該冇既
佐係熟朋友多蚊都係501
唔咁熟既201都得ga喇
至於"吉儀"
以前既人會係一粒糖+1蚊+一條松柏+一條白手巾
但因為而家好難搵到松柏同埋白手巾好難入
所以督變左入一張紙巾代替喇
幫手搞殯儀個d人話
粒糖最好係去當晚食左佢
1蚊就唔好袋仕，一個坐車用左去一係用黎買六合
張紙就最好出殯儀館個時抺一抺就掉左佢