經常性在麥噹噹見到一個情況, 好多時D人買完野都會用大額紙幣黎比錢($500/$1000), 但係成日都會唔夠錢找比人, 原因係公司驚收銀員監守自盜, 所以經理會定時清機(將錢由收銀機提走, 只剩番部份用黎找贖), 當收銀員唔夠錢找果陣就會叫經理出黎"唱錢", 經理會將五百/一千蚊紙拎走(入寫字樓..?)轉頭再拎番幾張一百紙出黎找比人.

睇落好正常, 其實係有問題, 佢呢個找贖過程都幾長, 排緊隊等果D人真係多得佢唔少, 而我覺得更有問題係.......經理拎張五百/一千蚊紙入去果陣, 出番黎話你張銀紙係假......咁點算...?

今日到自己係主角, 我唔肯比佢將我張五百蚊紙拎入去, 要佢先將五張一百蚊拎出黎先.

無法, 有其利就必有其害.
不過 我覺得 應該 以 客為先,唔應該要人等.

醒目!! 雖然有時遇到 d 人會 "亞之亞左",
但為了保障自己, 絕對贊成你咁做!

講返麥噹噹果筆 ,其實有無其他更好的方法可以防止 d 收銀員監守自盜呢??

cas52612 :
咪學超市咁, 埋數少o左要補到夠咪得囉.
btw麥噹噹宜家都好似係咁.

通常我去買d要快既野 ,
都自備零錢 , 費事等佢慢慢找錢  !
但係大公司要倒塞員工作弊既機會 ,
咁既做法又無可厚非 !

cas52612 :
其實, 我主要想講, 佢地個找贖過程好有問題, 如果拎你張一千蚊入去, 轉頭出黎話係五百, 甚至話係假o既, 到時真係口同鼻拗, 一個咁大o既連鎖集團無可能連呢樣野都唔知.

有機會留意一下兩大集團超市收銀員, 遇到有大額紙幣, 佢地永遠將張銀紙擺o係收銀機前(雙方都可以見到o既地方), 直到完成整過交易過程為止, 呢個係保護雙方利益o既做法, 唔係因為收銀員醒, 而係公司培訓時有教. 扁扁麥噹噹咁個大集團唔識呢D野.

問題在於: 佢地收銀入面放太少錢去俾佢地找, 可能total只有五百至六百的碎紙.
如果好彩, 佢岩岩收左一堆錢既話, 都可以找到俾你既.
不過經理每靠一陣就會refresh一次個 drawer, 所以大部份時間都會遇到"叫經理" 既情況.
會唔會係你去果間有問題, 因為大部份都即時入去打散, 唔會lor走你張銀紙的...

anyways, 佢地應該唔會屈人掛...

再唔係你俾錢果時大聲講句, 呢度五百~ 咁lor~

cas52612 :
其實呢D個案我親眼見過好多次，只係今次發生o係自己身上先再拎黎講下。

應該寫明不設大額找續

cas52612 :
斬腳指避沙蟲！