唉~~~~冇那那冇反應 成個計劃都搞串晒~~唔係都唔會加時~









哈哈 原來29啦~~~~~~~~~~~~~~~~~~~~~~~~~~~~~!!

都有可能架！不過依家佢係tvbN地位都幾高，點行得開？等我慢慢講啦：(如果覺得太長，都俾下面睇d啦，唔該晒)

從tvbN開台以來，內部一直有個非明文o既排位表。每個主播都有排名，頭兩位可以稱得上台長、副台長(係稱得上，並非真有此職位)。當然，排名愈高，亦代表該主播愈受重用。

係06年6/7月，亦係林小珍由tvbN過組去財經組之前，嘉儀已經入左tvbN。當時o既排名，最高o既係羅若安，佢亦係最能幹o既一個主播，更係tvbN開台功臣。其次係小珍，小珍跟同事們o既關係好好，亦受大家o既愛戴。長話短說，當時5大排名如下：
安安姐姐(羅若安) - 小珍 - 周兆麟 - 劉銘欣 - 陳家珍。(嘉儀排名則較後，但仍在10大之內。)

經過多個月來的調整，小珍已經做左財經記者，家珍又去左cable，周兆麟就專注幕後，而cable主播蔡誌恩就加盟了tvbN大家庭。依家，安安姐姐依然最受重用，長居第一。其次係劉銘欣，銘欣最近亦被捧上做tvbN一個時事節目的主持。嘉儀亦因各種因素，終於踏上五大排名的行列。同樣，長話短說，現時5大排名如下：
安安姐姐 - 銘欣 - 嘉儀 - 吳嘉珮 - 吳璟雋。

如果珠珠仲係tvbN，咁珠珠應該都係五大排名之列。

PS: 多謝各位睇晒我篇咁長o既廢話，又估唔到無上黎一晚，呢到又多左咁多post...

903有冇方法 cap D相比我睇~~~~你講咁多名~~我都唔知咩樣............

ps:趙小姐去左邊~~~~~~630唔見佢~~~(((((

據消息人士透露，Alison姐姐(依家改左口咁叫珠珠，唔好介意…)放緊大假休息下，但未知放幾耐，可能只放呢個禮拜。期望佢下星期返黎… 如果monday都係先瑩姐，咁可能改左更表。

tvbN主播方面，真係sorry，無端端up左咁多主播o既名出黎，搞到你地咁亂，唔好意思… cap就cap唔到圖啦，不過我自己部電腦裡面有d小收藏，上網搜返黎，係下面果個post upload俾大家睇下佢地個靚樣啦。佩佩主播(吳嘉佩)未有圖住，sorry…

suk姐，唔好意思，請問可否以後將片頭動畫納入埋個影片檔呀？因為我有需要用到，而且咁樣完整d丫麻…

d圖細左d，唔好介意… (唔知點解依家好鐘意叫d主播哥哥、姐姐，尤其我好敬佩果d)

▼我最敬佩的小珍姐姐 林小珍


▼同樣好敬佩的安安姐姐 羅若安


▼靚女實力派 周嘉儀


▼專注幕後中 周兆麟


▼超級好人的銘欣姐姐 劉銘欣


▼身在有線的前tvbn主播 陳家珍


▼八點新聞王子 吳璟雋


▼靚仔前Cable主播 蔡誌恩

一聽你講 15間就知你是在香港仔長大喇
而家仲知道邊度是 15 間的人真是唔多呀
一個好令人懷念的名字
咁你又知唔知邊度是 "涌尾" 丫？

4座後面的車仔麵簡直是極品中的極品，好味到無得頂喇
不過講真丫，都是味精搭夠味，又鬼叫佢的味精咁好味咩
而家我就個個星期六都會去謝記食碗超彈牙魚蛋粉
唔知你有無去過南記食鴛鴦粉呢？佢地出左隻酸菜豬腩肉粉，又係好好食架
個配搭好絕妙，諗唔到可以咁好味的，碗粉好大碗架
平時我食佢一碗粉都食唔晒的，但是呢個酸菜豬腩肉粉居然食得晒
而且仲要食到撩埋 d 渣出來食，好味指數爆高

係咪有 d 掛住香港仔的美食呢？

片頭的動畫我唔會加入去，如果你需要的話，星期日或者星期一的新聞連埋心繫家國一齊加埋喇，只係一日咁多
因為我習慣上看住個檔來改檔名，咁樣無咁易搞錯日期

你的資料好詳細喎
好奇問下，點解你會咁鐘意收集呢方面的資料呢？

我太鐘意新聞呢一行啦… 所以我好留意呢方面o既野，亦因而想當記者。有時我知道有新聞，我都會出去睇下。好似今日咁，我地放sports day補假，所以我去朋友屋企。睇睇下tvbN，知道九龍灣有大火，我即刻搭車去。可惜無帶相機，如果唔係我可以影d相俾大家睇下。唔去真係唔知，果度燒到真係好鬼熱…

你地講到香港仔d野食咁正，我得閒又去行下先…

ps: 今日我係灣仔見到先瑩姐呀，勁開心！ 佢超好人，又靚喎！

to suk: suk姐，今日o既新聞係咪morning先有呀？新聞download果版終於踏入第一百篇啦！片頭方面，首先唔該suk姐，如果你聽日可以俾到我就ok啦，如果遲少少都唔緊要，呢兩日內ok。因為新聞片頭有時會轉d野，我想每一段時間睇下有咩分別姐，同埋我學校下星期有用。如果我再需要，我再同suk姐你講啦。唔該你！

>--------------------------------------------
[最新最新的消息]
o岩o岩收到消息，羅暉翔離職的消息本人經已証實，他會轉住「畸寶tv」工作。而最新消息指有兩位記者亦即將離開新聞部，但未知各人去向，分別為郭詠琴與林子豪，惟消息暫時未經證實。據消息指，郭詠琴會繼續擔任晚間新聞主播直至離職當日。

"涌尾" 嘩~哈哈~!!! 我唔識~我老豆老母識~
舊官立小學喎~~~~仲有瀑布~我成日去玩 不過好多針筒   (阿媽話沖死好多人)老豆就係舊官立study   我,我哥and我媽就係香島道官立
仲有~我住"15間" 華貴坐的士go home 都係咁叫~~~("15間"淨番好少 我就係住係"花花公子"樓上)
花花公子你一定唔識啦~~
謝記~我媽最熟 我一定要成條魚片買黎食~ 仲有淨魚皮餃 ((好想食呀~~陰公)
南記~! 佢本身係開係"新光"對面    我夠膽保証 鴛鴦河我起碼食過一百碗~! 因為好平($13 90年代) 有魚旦,牛丸同炸春卷(  中午送汽水或豆漿 哈哈 六日除外~~(我阿媽話 睇住南記兩公婆學師) 有機會食番碗酸菜豬腩先~

係呀 你知唔知 拱照 前身係郵政局....(80年代) 當時原來頂手費$40萬可以開檔
我媽識人可以$30萬頂~ 不過因為我當時細過要照顧 所以冇開~>.<(開左就好啦~)
所以我媽有時係屋企都炆牛腩  你可以諗到有幾好味

好開心 網上都可以識街坊~~哈哈~~

903如果你去  其實可以上去街市3樓食野~~(記住入香港仔影D相比我估~)