佢係有努力過，如果佢得飛躍進步男藝員我就拍手掌
因為佢呢兩年真是好努力好正面
但是咁樣等唔等於佢的演技可以得到最佳男主角呢個大獎呢
咁多個有提名的男藝員每個的演技都比佢好
印象中佢近期的劇集都是差唔多模式
個個角色都是官仔骨骨同埋好深情的表情演釋
無線頒呢個獎比佢，太有造馬之嫌

講真，就連和資力比較淺的林峰相比
林峰做的齊寬做得好過佢
表情和演技都不錯

至於楊思棋的演技我真是無野講
每當有佢做的劇集我都不看
除左隨時候命，因為我鐘意看伊健
所以無計要睇埋佢
講真，如果佢唔做演員果陣
我都覺得佢好純情好乖乖女
TVB 應該將佢訓練做司儀
每次看到佢果 d 誇張的演技、定格的表情....
真是忍唔住要快格飛左佢果段

我覺得無線唔識得用人
硬要佢做呢 d 角色，真是好似想推佢去死咁
唔岩做就是唔岩做，無得勉強

估唔到你還是中學生
上面段野講得好好
令到我對現今的中學生改觀晒
思想成熟之餘仲好識得為人設想
我估你一定是果 d 在街見到有人需要幫
你會唔使人開口都會自動走去幫手的年青人
讚！
希望你比心機讀書
有朝一日可以做到你的志願
到時我就可以好自豪咁同人講
我是陪住你睇住新聞成長的一份子

今晚的新聞
我特登等埋最後新聞報導才出的
因為我想錄埋天星碼頭鐘樓榮休的一刻
希望大家都可以留住這個值得懷念的時刻

不過今日新聞有點令人傷感
除了搬碼頭這件事之外
還有一段令人心痛的滅門慘劇
一個男人親手斬死兩個女和老婆
真是諗唔到點可以斬得落手架？？
個大女仲是20歲咁大個喇
點解會咁的？
有乜是解決唔到要全家富貴呢？
唉！好唔想看到這些事情

另外又知道北京最近狂犬病爆發
當地政府嚴打無牌狗之餘
現今就算有狗牌，又搞多個一戶只可以一狗的政策
搞到好多寵物主人忍無可忍要走出來示威
須知道國內話就話開放中
但事實是佢地唔容許國民集體搞反政府的活動
就算有人示威都會好快被平息，不會對外有新聞發報
今次北京的市民居然為了小動物的權益而行出第一步
我精神上絕對支持他們

re 花子姐姐 @ 151:
原來如此，諗深d又真係喎~ 我認同你o既講法。

re suk @ 152:
多謝你！其實我平時好細路架~

re suk @ 153:
我今日有去中環呀~ 好多人~ 仲有影到tvb直播，我係下面再開新post，post d相上黎。

小弟攝影技術差，不要見怪，睇完就算啦！

Hi guys! I'd like to express the sadness that today's Star Ferry news brings upon me. I loved that place and how it gave me so much good memories!  I'm sure alot of us will miss the place, not just me. Something about the palce that's retro in a way, although it's actually not that old, I'd have thought that it'd be more than 4x yrs its been in service. Anyway, like to say Thank you for all the services that the Star Ferry has brought me and my family(always running down that hall trying to catch the ferry before those gates close)!!!

個細路~~戈一張好抵死~~~
加上你d對白~~~
(其實你不如save錢 買一部入門cam練下影相啦)
我遲d post一張童年照上黎~ 都係呢個碼頭架~~!!!

我黎架~~~哈哈~~~我細個成日去中環架~因為老豆做 文華酒店餅房
阿媽有時星期六日就帶我同阿哥去探班

87年啦......07年都黎緊~~~好懷念80年代既香港~

呢度應該係大會堂另一個碼頭~~不過當時都係影人 唔係影風景

多謝晒 903 的現場相片
你在場果陣的氣氛係咪好熱鬧呢？

hon，你爸爸在文華餅房做架？咁你細個咪有好多西餅蛋糕食囉，好正呀！羨慕死人，仲要是文華喎。。。。

今日看新聞至知原來新的碼頭都一樣有相同的鐘聲，咁樣都好過乜都無晒
我覺得大家懷念中環天星碼頭的原因，除左佢服務左香港市民咁多年之餘，也包括埋大家都好懷念那獨有的鐘聲，我記得好細個仲好流行廣播劇果陣，成班同學會編個故事錄音，當是空中小說咁交換送比同學的。
當時我們會搞點所謂特別效果仲會特登走去大會堂錄低報時的鐘聲，那時的科技沒現在的進步，如果錄得唔好就會一連幾日去等鐘聲，成班同學都好開心架，還記得在美心買隻雞髀來食已經很豐富和滿足了。
今次天星碼頭搬家能引起咁多人的回憶，我覺得除了大家懷念這個碼頭之餘，最主要就是懷念維港，現今在大會堂望出去的維港真是太醜樣了，因為要填海發展才被迫要搬新碼頭。
唔知大家仲記唔記得有個以前有個佐敦道碼頭呢？今日想起來，覺得他是突然消失左，幾時折掉也記不起來了，點解當時佐敦碼頭無左，好似無咁大反應，今次天星碼頭無左大家又咁懷念呢？唔知你地有無諗過點解呢？