今次去參觀的是全日本一年一度的手工藝展
就類似香港搞會展咁，一連三日開放
展場內實在太大，你諗到的都有，諗唔到的手工藝都大把有得你睇
我地 PMC 銀黏土的攤位都有幾個，最大果個是展覽今年參加比賽的各地作品
另外仲有一個專賣工具，一個專賣特價配件 (在香港賣$6一粒的合成石，果邊賣1000丹40粒，計返都是個幾一粒)我當然掃左好多返來喇
淨係看 PMC 的展品都看到嘆為觀止，手工、意念、技巧都頂瓜瓜
看到每件作品都可以引發好多思考空間，原來可以咁樣整都得喎，好開心好開心

會場行了兩日都行唔晒，至多行左1/3 左右
裡面仲有好多唔同的手工藝體驗班
只要比唔多錢就會有人比埋材料教你做一樣野
有雕刻印章、油畫、繡花、押花畫、印染、扎染、燒玻璃、紙藝、刻玻璃杯畫，
唔同材料的工藝，就連整蛋糕整糖糖都有........好多好多，多到唔記得晒
話就話體驗班，見到那些學生都好熟手
睇住佢地好似好容易咁就畫到張油畫出來，比我就一定唔得喇
原來去得呢 d 需要有點技術的體驗班的
點都有點底子才懂得玩，佢地去試的是新的材料(或者咁講，是新的顏色或快乾材料)
總之你比錢玩，花少少時間就可以整一件 DIY 的作品帶走，都幾好玩架
星期六那天見到好多家長帶埋小朋友一齊去玩親子班
真是一個好好玩又多野學的展覽會

講下一個我好欣賞的攤位
佢標榜的是全男班的押花畫
看到佢地用天然的植物，包括花花草草，連生菜食用的植物都可以用來做畫材
通常大棵的植物用來做山 (遠景)
然後用花、草、麥、棉花做近景
這些材料抽乾水份之後黏黏貼貼就可以做到一幅很漂亮、景深分明的風景畫
(當然這個攤位都會推廣一下佢地特快真空抽乾技術喇)
最令我欣賞的是得獎的作者一般都是上了年紀的伯伯
玩押花畫的年資都不是太高，看得出他們都是退休後才學這門手藝
相對起香港的孤獨老人，多數在公園坐著虛渡時光
日本老人退休後的生活簡直是人生的另一個新開始
如果香港多點老人福利，搞多點這些給退休人士展開退而不休的新生活就好了

在展館浦了兩天，實在大開眼界
睇到好多新奇野
在香港要左找右找都找不到的工具都可以在這裡找到
不得不贊日本人的腦袋實在太高了
給我知道好多原來呢世都唔會有機會接觸到的藝術都可以 DIY，這份得著真是多多錢都買唔到
去了今年的展覽，我決定每年都會去那邊朝聖
希望明年我有足夠的技術可以參加比賽吧

可惜整個會場都不准攝影，無相給大家看呀
希望齋看文字可以想象到我講什麼吧

花姐~~~買返幾斤做手信啦~~~

有無相睇呀?

都話唔比影咯。。。唔留心>

花子姐姐 :
都係你乖，留心聽書
扺贊

諗住會偷影o麻!

花子姐姐 :
唔敢偷影呀
你知日本人好講規矩架喇
比人出聲話就唔好意思失禮晒
我唔想做個乞人憎的香港人
不過我拎左好多catalog 返來
等我睇下有邊 d 得意的就放上來喇

買幾斤乜野？

真羡慕你有得去睇工藝展, 日本的手工藝真係五花八門架, 而且每樣都好專門.
你提到的押花畫好有名架, 日本押花畫專家响世界各地表演, 教授押花技術.
比較有名的是武田良子老師, 世界各地都有她的學生, 風格是強調異國風情及獨創性.
我個人則十分喜歡出身長野縣的跡部由美子老師, 她的風格是充滿和諧的大自然,
非常漂亮的技術. 有機會把老師的作品 post 上來給大家欣賞.
花子, 我期待你的catalog.

這是我收集的有關跡部老師的節目, 有老師的作品
[attach]19808[/attach]
[attach]19809[/attach]
[attach]19810[/attach]
[attach]19811[/attach]

我雖然對日本文化認識唔深﹐但一向知道佢地既創意非常﹐手功精美﹐所以當我聽到花子話去你個展覽﹐已經羨慕不已!  因為我知道自己一定會好鐘意!  如果我響香港﹐我諗我會同花子一齊去!

好可惜唔俾影相﹐不過咁就會令去過既朋友既呢次體驗更加寶貴!  有時 d 野﹐留響回憶中會更有意思。  最怕好似我呢 d﹐只得短暫記憶﹐耐 d 既野都會好快唔記得﹐去完後過左幾個月一年﹐就只記得20%...

係呢花子﹐用植物來做畫材 d 植物唔會變壞架?  因為抽乾水份? 好似乾花咁?  咁要幾耐完全抽乾呢?  係有部機?

我看那些押花畫主要都是風景畫
遠看就像攝影的相片般有景深的效果
最神奇的就是有些瀑布畫
哇！做出來像是真的有水流的激流效果
有點像以前在國貨公司看到的燈箱畫咁
燈箱裡面會轉動令流水很動感的那種

可惜我再找一下，原來我沒有拿到這些 catalog，激死
睇完展覽 o 晒咀咁就睇另一個了

呢次更值得我開心的就是
果晚三菱銀黏土搞左個 party
party 內個個都是大師級人馬
你可以隨便拎件自己的作品出來給他們指教一下，個個都好樂意咁教你點樣可以做得更好
只係有一個亞 sir 特別 cool，過去打招呼並不太熱情
淨係覺得佢個女伴好靚女，成個 model 咁靚
個 party 仲有個領獎禮
三菱為左推廣每年都有比賽
原來呢個亞 sir 是得到大獎 (唔怪得咁 cool 喇 )
獎金都有約 18 萬港幣架

之前看過有本銀黏土的新書
找了香港好多地方都買唔到
所以成日提自己今次過去一定要買
第一日去會埋行到差唔多關門時才找到，已經好開心喇
個 party 差唔多散場時我就和香港的導師講終於買到呢本書喇
導師就話本書的作者就是得到大獎的鈴木先生
哇！我即刻彈起走過去請鈴木生幫我簽名
經翻釋後鈴木生知道有遠道從香港而來的 fans
又可能得到大獎心情好、飲面紅紅咁非常熱情咁同我地影相
導師話，如果出年提早預約，可以安排鈴木生教我們一堂呢

其實今次過去除左去參觀展覽之外
第一天三菱還安排了一堂課給我們上呢
是一種鑲天然寶石的技巧
材料和學費都是免費提供的
在等候燒成作品時
老師還叫我們隨便提出我們做作品時遇到的問題
佢會好詳細咁解答
部份問題還用好科學的角度去解釋銀黏土的份子分佈.......太專業了，好彩我都聽得明
臨落課前老師揀了兩位同學給點獎品作鼓勵 (一位是做得最快，一位是設計得最好。最做最快的還是我們香港的同學呢)
事先我們唔知有獎品的，知道有獎品已經是個驚喜
更加驚喜的就是送給同學的寶石原來是鑽石 (real diamond)
哇！真是估唔到有免費堂上還有意外收穫呢
雖然粒石唔大粒，我諗 10份左右喇，
雖然得獎的唔係我，但是都好開心，登我們個香港同學開心嘛

出年你都可以去噪

我諗你和米妮去行，會唔會搭錯車呀

我諗到一樣好岩香港上班 OL 用的 mascara
超好用，無得彏
d post 還張相去前容版比你地看看喇

答漏左一題料
那些乾花是即時加工處埋過
就好像那些乾花沒也了水份都可以放到好多久不變
會埸是有真空機，不我我諗佢咁唔會買