睇左既朋友﹐歡迎入黎俾俾分(按右邊星星)﹐講講齣戲您鐘唔鐘意(中英文回覆都無問題)?

尋找有關此電影的分享 >> 天藍幫您「搜」

睇厭左 hollywood 既電影﹐偶然睇下歐洲既作品﹐一套普通既電影都會帶來一份新鮮感。 睇左泔多 Pixar/Dreamwork 既作品﹐睇 Renaissance 呢一套法國電腦動畫又會有咩感覺呢?

首先﹐呢套電腦動畫並唔係一般我地睇開果一種 3D 電腦動畫﹐而係比較漫畫式既動畫﹐而成套戲都係黑白 CG﹐所以份外覺得睇緊漫畫咁。另外﹐呢套戲既故事係取景於2054 年既法國巴黎﹐比起我地一般睇開既日本﹑紐約 亦有不同之處。

故事係講述一個高級探員 Karas 要幫一間當時非常龐大既公司 Avalon 去搵返一位被綁架既重要科學研究員。  跟住落黎就當然係發現一連串既線索﹐一 d 飛車場面﹐一 d 槍戰場面﹐一 d 男女主角親熱場面...等等。  

論動畫﹐我覺得佢地做得幾好!  有 d 鏡頭角度好正!  但論故事﹐我就認為其實可以再寫得好 d!  我覺得個故仔太簡單勒﹐既然花咁多時間整 d 電腦螣技動畫﹐但用一個咁簡單既故事﹐又好似嘥左 d 心機咁。  不過對於喜歡電腦動畫既朋友﹐都值得一睇既!  睇 graphics 都夠啦!