【 本 報 訊 】 颱 風 「 派 比 安 」 （ Prapiroon ） 風 眼 昨 午 於 本 港 南 面 280 公 里 處 掠 過 ， 全 日 導 致 本 港 最 少 559 航 班 受 影 響 、 發 生 672 宗 塌 樹 、 兩 船 擱 淺 致 百 人 被 困 。 天 文 台 卻 貫 徹 前 日 的 「 承 諾 」 ， 堅 持 不 改 掛 八 號 風 球 ， 引 來 市 民 及 氣 象 發 燒 友 質 疑 天 文 台 失 當 ， 更 揭 發 天 文 台 原 來 三 十 多 年 來 只 計 算 維 港 兩 岸 風 速 來 決 定 是 否 掛 八 號 波 ， 不 理 新 界 離 島 風 勢 如 何 強 勁 ， 被 批 有 違 社 會 實 際 發 展 情 況 。 　 記 者 ： 倪 清 江 　 麥 超 億 　 周 鴻 熙

派 比 安 昨 晚 七 時 許 在 廣 東 西 部 登 陸 。 天 文 台 最 初 預 測 派 比 安 會 趨 向 海 南 島 ， 故 此 前 日 下 午 改 發 三 號 風 球 時 強 調 ： 「 由 於 目 前 距 離 香 港 超 過 300 公 里 以 上 ， 暫 時 毋 須 考 慮 發 出 八 號 烈 風 信 號 」 。 隨  颱 風 中 途 多 次 轉 向 西 北 偏 北 ， 派 比 安 昨 進 入 香 港 300 公 里 範 圍 內 ， 風 勢 及 雨 勢 變 得 更 疾 勁 ； 澳 門 昨 晨 9 時 半 改 發 八 號 風 球 。


昂 坪 監 測 站 被 風 吹 壞
根 據 天 文 台 資 料 ， 昨 日 部 份 地 區 風 速 極 高 ， 其 中 大 嶼 山 昂 坪 監 測 站 最 高 錄 得 陣 風 每 小 時 217 公 里 ， 每 小 時 平 均 風 速 也 有 174 公 里 ， 該 監 測 站 下 午 四 時 許 更 被 強 風 吹 壞 。 西 環 對 出 海 島 青 洲 的 監 測 站 ， 陣 風 也 錄 得 每 小 時 193 公 里 。
香 港 「 地 下 天 文 台 」 台 長 方 志 剛 認 為 ， 昨 日 風 勢 之 強 ， 「 比 好 多 八 號 風 球 仲 勁 。 」 他 指 出 ， 天 文 台 發 出 八 號 風 球 取 決 於 維 港 內 監 測 站 錄 得 的 平 均 風 速 是 否 達 時 速 63 至 117 公 里 ， 此 準 則 於 70 年 代 定 下 ， 但 隨  新 市 鎮 發 展 ， 早 已 不 合 時 宜 。

東 面 無 山 吹 東 風 硬 食

方 志 剛 表 示 ， 若 颱 風 在 本 港 東 面 掠 過 ， 本 港 會 吹 起 北 風 ， 由 於 有 大 帽 山 等 阻 隔 ， 新 界 以 南 風 勢 一 般 較 弱 ； 但 如 派 比 安 般 在 西 面 掠 過 ， 本 港 會 吹 起 東 風 ， 但 東 面 無 山 擋 風 雨 ， 「 東 風 會 吹 得 好 應 。 」
街 上 的 行 人 、 網 上 留 言 的 網 民 、 致 電 報 章 的 讀 者 紛 紛 質 問 天 文 台 ： 「 點 解 唔 掛 八 號 風 球 ？ 係 咪 罔 顧 市 民 安 全 ？ 」 長 洲 居 民 盧 先 生 說 ， 昨 日 猶 如 冒 生 命 危 險 乘 坐 渡 輪 ， 「 海 浪 湧 入 船 艙 下 層 ， 唔 掛 八 號 風 球 ， 簡 直 離 譜 。 」
天 文 台 高 級 科 學 主 任 鄭 楚 明 在 記 者 會 解 釋 ， 發 出 八 號 風 球 必 須 符 合 既 定 指 標 ， 昨 日 雖 然 不 時 有 高 逾 110 公 里 的 陣 風 ， 但 維 港 港 內 幾 個 氣 象 站 從 未 錄 得 超 過 每 小 時 平 均 63 公 里 的 風 力 ， 所 以 毋 須 發 出 八 號 風 球 。 至 昨 午 四 時 為 止 ， 維 港 內 錄 得 最 高 每 小 時 平 均 風 力 的 啟 德 只 有 50 公 里 ； 至 於 橫 瀾 島 及 赤  角 則 錄 得 76 及 63 公 里 陣 風 ， 雖 達 八 號 風 球 標 準 ， 但 決 定 颱 風 信 號 的 是 根 據 每 小 時 平 均 風 力 ， 不 是 陣 風 。
鄭 楚 明 說 ， 有 關 指 標 由 70 年 代 沿 用 至 今 ， 天 文 台 曾 作 檢 討 ， 但 認 為 市 民 已 經 習 慣 ， 一 旦 修 改 恐 怕 難 以 適 應 。

「 冇 可 能 滿 足 700 萬 人 」

不 過 ， 本 港 也 曾 在 未 達 指 標 風 力 下 發 出 八 號 風 球 ， 天 文 台 高 級 科 學 主 任 梁 榮 武 解 釋 ， 那 次 是 在 上 班 上 課 的 繁 忙 時 間 前 ， 天 文 台 預 測 維 港 港 內 風 力 將 會 增 強 至 63 公 里 以 上 ， 故 決 定 發 出 八 號 風 球 ， 但 結 果 風 力 未 如 預 測 般 強 勁 。
梁 榮 武 承 認 ： 「 一 個 信 號 係 照 顧 唔 到 全 港  市 民 ， 永 遠 都 冇 可 能 滿 足 晒 700 萬 人 。 今 次 問 題 係 ， 大 嶼 山 同 長 洲 好 大 風 ， 但 係 新 界 東 部 就 冇 乜 風 。 我  可 以 盡 量 提 供 多  訊 息 畀 市 民 ， 等 公 眾 自 行 決 定 ， 點 樣 做 先 最 安 全 。 」 他 強 調 ， 發 出 颱 風 信 號 是 天 文 台 的 獨 立 決 定 ， 天 文 台 台 長 從 不 考 慮 經 濟 因 素 ， 只 會 從 保 障 生 命 角 度 出 發 。
申 訴 專 員 公 署 昨 證 實 有 收 到 對 天 文 台 的 投 訴 。 天 文 台 屬 經 濟 發 展 及 勞 工 局 管 轄 ， 被 問 及 有 否 干 預 天 文 台 決 定 時 ， 該 局 發 言 人 表 示 ， 局 方 十 分 尊 重 天 文 台 的 判 斷 ， 所 有 評 估 由 天 文 台 自 行 決 定 。



經 濟 損 失 每 日 近 19 億
有 經 濟 學 者 指 ， 一 旦 發 出 八 號 風 球 ， 全 港 近 半 的 經 濟 活 動 停 止 ， 以 香 港 去 年 13,822 億 本 地 生 產 總 值 計 算 ， 造 成 的 經 濟 損 失 每 日 近 19 億 元 。 不 過 ， 香 港 經 貿 商 會 會 長 李 秀  及 僱 主 聯 會 發 言 人 均 強 調 僱 員 安 全 最 重 要


風 速 達 烈 風 程 式，點 解 尋 日 天 文 台 台 長 唔 掛 八 號 波 ？

人 都 被 吹 "旭 "，企 都 企 唔 住 咁

TVB新聞報導 係尖沙咀碼頭都影到位女士被吹倒情況，要付住燈柱。

天 文 台 高 級 科 學 主 任 梁 榮 武 解 釋： 「 一 個 信 號 係 照 顧 唔 到 全 港  市 民 ， 永 遠 都 冇 可 能 滿 足 晒 700 萬 人 。 今 次 問 題 係 ， 大 嶼 山 同 長 洲 好 大 風 ， 但 係 新 界 東 部 就 冇 乜 風 。 我  可 以 盡 量 提 供 多  訊 息 畀 市 民 ， 等 公 眾 自 行 決 定 ， 點 樣 做 先 最 安 全 。 」 ......
新 界 東 部 就 冇 乜 風 .... 大家住邊呀，我就住沙田，ｄ風好似會吹爆玻璃咁，天文台原來三十多年只計算維港兩岸風速來決定是否掛八號波，維港兩岸既７０萬人就係人，其餘６３０萬就唔係人，唔駛理既∼真正高手咪呢ｄ囉！！依家連天文台都要為政治服務　．．．
appledaily

2006年08月04日
堅 拒 掛 8 號 風 球 林 超 英 有 職 升

風 大 雨 大 ， 中 環 班 消 息 人 士 個 個 匿 埋 ， 冇 八 ， 不 如 同 大 家 介 紹 一 位 明 日 之 星 ─ ─ 天 文 台 台 長 林 超 英 。 呢 位 英 皇 狀 元 、 港 大 精 英 、 倫 敦 帝 國 學 院 氣 象 學 高 材 生 ， 除 善 觀 天 象 ， 更 加 識 得 睇 眉 頭 眼 額 。 特 區 政 府 強 政 勵 治 ， 煲 呔 老 闆 用 人 之 際 ， 又 點 會 糟 蹋 咁 優 秀 人 才 呢 。 經 過 昨 日 「 派 比 安 」 考 驗 之 後 ， 林 台 長 官 升 三 級 ， 指 日 可 待 。

在 北 京 眼 中 失 分 事 大


話 說 「 派 比 安 」 前 晚 殺 入 香 港 警 戒 範 圍 ， 但 係 天 文 台 處 變 不 驚 。 就 算 國 泰 港 龍 飛 機 停 晒 航 、 汀 九 橋 封 埋 路 、 貨 櫃 場 晒 檔 、 棚 架 搖 搖 欲 墜 ， 陣 風 吹 到 反 轉 ， 雨 又 落 到 狗 屎 咁 ， 天 文 台 都 係 三 號 波 ， 用 科 學 態 度 去 對 抗 一 眾 無 知 刁 民 責 難 。
咁 八 方 就 支 持 天 文 台 。 事 關 偵 測 颱 風 係 科 學 ， 但 掛 唔 掛 風 球 就 係 藝 術 ， 要 考 慮 緩 急 輕 重 。 眼 下 特 區 頭 號 大 事 ， 唔 係 水 浸 唔 係 樹 呢 濕 碎 ， 而 係 成 個 政 府 違 憲 ， 准 許 執 法 人 員 非 法 偷 聽 搜 集 證 據 。 由 於 大 老 爺 正 做 ， 判 長 毛 勝 訴 ， 政 府 惟 有 迫 班 尊 貴 議 員 日 日 趕 工 三 讀 立 法 ， 煲 呔 更 親 自 發 信 畀 議員 請 大 家 幫 手 ， 務 求 在 下 周 二 之 前 大 石 壓 死 蟹 。 咁 你 話 天 文 台 掛 個 8 號 波 ， 等 班 唔生 性 民 主 派 乘 機 散 水 唔 開 會 ， 到 時 拉 唔 到 蠱 惑 仔 事 小 ， 煲 呔 在 北 京 眼 中 失 分 就 大 件 事 啦 。
所 以 今 勻 天 文 台 力 排 眾 議 唔 學 澳 門 拒 掛 8 號 風 球 ， 真 係 為 特 區 治 安 特 首 前 程 立 下 重 大 功 勞 。 煲 呔 他 日 論 功 行 賞 ， 一 定 唔 會 漏 林 超 英 台 長 。 話 唔 定 過 多 兩 日 條 例 通 過 ， 雨 過 天 青 ， 特 首 心 情 大 佳 ， 請 台 長 去 粉 嶺 別 墅 食 飯 ， 再 去 米 埔 觀 鳥 ， 攜 手 郊 遊 ， 討 論 天 文 雀 學 。

眼前既香港　．．．　死路一條
下次就唔該ｄ高手做多少少野，唔該打電話去澳門夾下，唔駛好似依家咁比人挑啦∼

因為澳門無乜高樓大廈, 同埋個天文台係高山度~~~所以咪掛8號風球lo~~~~~~~

計咩維港風速, 雀港全部俾高樓大廈包住點準啫..........

貨櫃又吹倒, 飛機又唔飛得, 樹又倒左咁多棵,

好心佢就掛8號啦, 根本就係8號風.

人地俾返之前號風d figure佢睇, 今次d 風係勁過之前d 8號, 又話之前果d 高估左, 咁之後你不冋話低估左今次個風, 咩都得講出.......

做死人咩.(

第一支持比比.

可能廢事左住左立法會《截聽條例》立法

掛8號波《截聽條例》會遲左立法

但對班議員都有好處，可以返屋企抖番日，唔洗日日通宵達旦審議《截聽條例》

天文台唔掛八號風球就是依本子辦事, 如果真的掛八號波, 恐怕得罪好多