[Sydney] [日本菜] SAKANA-YA

呢間野最少開業有10 年了~
入面好多野都好食﹐但係外面既日本餐廳又未必食得到~
例如一條炸魚﹐條魚炸到彎彎地身﹐由頭到味都奇脆無比﹗
連魚骨都食得﹗唔會好油膩﹐值得一試。 (對不起我唔記得晒D 英文餸名~)

另一出名食品﹐魚生飯﹗
用壽司飯﹐加上新鮮魚生切成絲﹐再加蛋絲﹐薑絲﹐青瓜絲﹐日本粉紅色甜甜地既野 (又唔記得叫咩) 等等﹐味道清甜﹗又唔覺膩~

焗矮瓜﹐都幾好食﹐連個皮都食得架~ (平時外面食矮瓜皮係“UN” 既)

BEEF TATAKI ﹐我無食過﹐朋友叫好﹐但唔係每次都得~ 有次試過麻碼。
燒牛脷都係朋友叫好。

綠茶雪糕﹐好綠茶﹐唔似外面食既咁甜﹗
仲有個好似港式糯米滋﹗﹗但要預早叫﹐因為要整20MINS~ 但都好食﹐唔係想像中既痴牙~

另外我耐不耐見人會食一份份既餐﹐應該係廚師當日之選~ 望落都好正架﹗
但係唔平囉~

仲有暫時我只知呢間先有既“冰SAKE” ﹐好似沙冰咁飲﹐又凍﹐酒味仲好好~ (因為都係大吟釀做既)

呢間餐廳﹐我最平試過$40 一位﹐平均黎講預$50 位會穩陣D。
但係10次有8次都係全讚既﹗新鮮好食﹗唔好食個兩次可能係個魚生飯薑多左､牛肉又熟左D 咁。
但整體係得既﹗

呢間真係好野黎架~~~~~~
你講果d基本上我每次都有叫~~~
尤其係脆脆魚(我都唔記得咩名), 真係一流~~~