[VA][Annandale][韓國菜] Oegadgib

Annandale 係呢一區出名既 "Korean Town"，一條街四處係韓國商店及餐館。所以如果要食正宗韓國餐，實在選擇眾多。但如果講到 韓國燒烤 任食，出名既就只有三間，而 Oegadgib 就係其中一間勒!

今晚係我第一次去 Oegadgib。 其餘兩間都在過去十年八年去過唔少次，雖然好味，但都係不離開一般既韓國燒烤味道。 近年竟然聽聞 Oegadgib 既韓燒有少許唔同，所以一直都想去試下。 早前因為小米剛出世，不便帶佢去韓燒，怕 d 煙攻親佢；所以直都今晚先第一次去試試。

一去到停車場，拍滿晒車，後來老細走出黎指揮我地拍去鄰近既車位。  入到去，原來已經係 90% 滿，坐滿晒韓國人!  我地，一行七人，有大有細，所以老細俾左後面一張圓臺我地，有多 d 空位放 bb 車。  值得一讚係，雖然生意咁好，佢地咁忙，但 d waitress 既服務態度仍保持親切友善有禮貌，只係佢地好多唔係太識講英文，所以同佢地溝通亦要有耐性。

Oegadgib 既 all-u-can-eat 唔係 buffet style，而係佢地會拎 d 食物去我地張臺，食完唔夠就再叫。

[attach]54727[/attach]
首先佢地會羅塊石板出黎，開火慶熱塊石先。  我冇機會問下呢塊石有咩名堂，因為又唔同以前食過既 岩石燒，似乎呢塊石係普通既石板，唔係咩火山岩石囉!

[attach]54728[/attach]
小菜就都係一般o個 d，唯一我地不停再叫既，就係個生菜 salad，因為好新鮮，係即叫即撈，而個 dressing 亦較得好好味。

[attach]54729[/attach]
呢兩個頭盤亦係任食既，一個係蒸蛋，另一個係湯。 蒸蛋清清地好簡單但好夠滑。 個湯都好好味，但我若嚴佢鹹左 d，同埋有 d 辣，未必個個人喜歡。

[attach]54730[/attach]
佢之後會拎一個裝滿生肉既 tray 出黎，然後幫我地燒。 生肉只得三種: 牛肉(bulgogi)，牛仔骨(kalbi)，同埋豬肉 (厚身既 bacon)。 雖然得三種肉，但每一種都幾唔錯，有貴精不貴多既感覺!

原來 d 人話 Oegadgib 同一般韓燒唔同，除左係話佢地用塊石板外，其實最唔同係佢地既肉!  佢地唔係用一般既韓式醃肉方法 (即係加糖 或 可樂)，佢地既醃法其實好清淡，食落唔會覺得太濃味，食到肉類本身既香味，食完亦唔會覺得太漏!  所以呢一餐我食得幾滿意!

Oh!  架錢係連 tax and tips 每位大概 US$20，唔算貴!

回復 #1 mickeyGoUp 的帖子

$20 for a decent K-Buffet, okay wor.

where is best 韓國菜 in Melbourne?
Clayton or Carnegies