Coming Soon (陰容院在) (2009-3-5)

本人向來都覺得泰國既鬼戲比起其他國家既鬼戲更添一層神秘既色彩!  記得以前有一套叫做 "鬼影" 既泰國電影，嚇到唔少既觀眾!  今次玩 "戲中戲"，效果又會係如何呢?

唔知係我睇得太多鬼戲，定係個人大左個膽都大埋，雖然有好多人覺得 "陰容院在" 好驚嚇，我又覺得只係一般。 可能對於去戲院睇既朋友黎講，係會有 d 氣氛，但係屋企睇電視或電腦，就同普通一套恐怖片冇咩大分別。 其中有幾場以聲效去嚇人既場面都算係可以既，而女鬼既造型亦算係花左 d 心思，唔係一味長髮蓋面就算。  

故事方面算係唔錯! 我聽電台節目有位聽眾話真係有單類似既真人真事，所以唔知呢套戲係咪就係跟據呢件事去拍架呢?  有機會等我去查證一下先!

[spoiler]其實戲院最得人驚既地方就係廁所，但偏偏戲裡冇拍到戲院廁所撞鬼場面，我覺得有 d 可惜。 而戲裡有好幾個位都係為拍而拍，較為牽強。例如女鬼殺人既手法，非常不一致，點解佢要玩男主角咁耐先整死佢，而其他受害者就咁快被殺呢?  我以為佢想個男主角幫佢申冤，但都最後又唔係咁! [/spoiler]