[潮流資訊] 袋鼠式孭帶湊仔更方便

[quote]不少媽媽用傳統孭帶或手抱嬰兒時會經常遇到一個問題，就是活潑的寶寶經常手多多「東拉西扯」，令媽媽衣領容易被拉開而「走光」外，亦要加倍用心照顧孩子。為了讓媽媽更易「湊仔」，有設計師倣效袋鼠袋ＢＢ原理，設計了一款育嬰袋，方便把寶寶收藏在胸前。
這款育嬰袋的設計是在背心前面加上一個袋子，袋子有一個小口，媽媽可直接將寶寶放到背心的口袋裏，只讓孩子頭部伸出來，而手手腳腳就收藏在袋子內，這設計不但方便媽媽帶孩子，在冬天時還可以起保暖作用。而這背心的設計可前後掉轉穿着，因此媽媽亦可以選擇將孩子背在後面，作傳統孭帶使用。

產品有多種顏色選擇，詳情可登入[url]www.mom4life.com/catalog.php?item=1290[/url]了解。[/quote]

天藍開始多父母級會員出現, 從網上知道有呢類產品, 即刻要同大家分享一下!
我自己都用過呢類, 不過係"咩"帶形, 個人覺得唔太好用, 可能唔夠高大, "咩"起黎唔多放便, 但小朋友就好開心, 因為可以正面睇到街景, 方便佢地八卦! :D

我都有條咩帶，不過未有機會用.. 呢個袋鼠式孭帶睇落包得好陷喎!  :)

要大個少少, 起碼條頸同腰有力先用得!