2008-5-28 01:53 AM ultraegg
兒時的遊戲

跟朋友聊天時忽然勾起了兒時遊戲的回憶, 想起以往電腦普及前, 每日都會跟大班朋友一齊集體遊戲. 而這些兒時遊戲都會是我們的集體回憶, 不知大家還對它們有足夠的印象將這些遊戲寫出來呢?

希望大家提供遊戲每次唔好多過2個, 因為一次比你講晒, 其他人無得玩o麻!! :D

就我寫第1 個遊戲

[b][size=3]天下太平 [/size][/b] :pn30: :pn30:

天下太平, 是透過猜拳進行的紙筆遊戲之一, 玩家為兩人或以上.

在進行遊戲前, 玩家需準備白紙, 鉛筆和橡皮擦, 在紙上劃上方格, 作為堡壘, 然後便可開始猜拳, 進行遊戲. 每猜贏一次便可在自己的領域內新增設施, 遊戲初段需在方格內寫上「天下太平」四字, 然後第二階段是插上旗幟(多為三枝), 第三階段是建立保護罩(多為五層), 最後便可加入大炮或戰機, 去攻擊對方的設施, 被攻擊的一方需猜贏對方, 方能修復設施及還擊. 當其中一方的旗幟, 保護罩及堡壘全被擊潰時, 被擊敗的一方便輸掉這場遊戲.

這種紙上遊戲, 在1980年代香港小學頗為流行, 每逢小息或放學的時候, 便會有同學在期間玩耍, 也會在上課的時間與隔鄰的同學, 在不被老師發現的情況下偷玩. :pn68:

2008-5-28 02:33 AM Edmund
猜大王:
大王坐中間,有兩個皇后坐在左右兩邊,前面還有卒仔甲,乙等等,剩下來的人排成一行,然後先與卒仔甲,乙猜「包,剪,布」,卒仔只要猜羸一次便可以挑戰皇后,最後要挑戰大王,與大王對猜是 三局兩勝制。


兵捉賊:
一堆人用「手指公握手指公」,然後由上而下再由下而上點「點指兵兵誰人做大兵」「點指賊賊誰人做大賊」來決定誰做兵誰做賊,賊的一方擁有賊竇,而兵的一方當然有兵竇,但賊可以進入兵竇救被捉的同伴,但兵卻不能入賊竇捉人。

2008-5-28 03:10 AM mpiipm
第一號報告總司令:
三人坐下﹐中者為總司令﹐兩旁是軍長和師長﹐其餘參與者向他們排成一直線。首位是第一號﹐依次類推。上級對下級說話是命令﹐下級向上級是
報告﹐還要敬禮。動作或說話有錯皆被革職﹐排到龍尾。遊戲最終目的是將你的上級轟下台﹐而你就不斷向上爬﹐直致成為總司令﹐那時餘人都是你‘馬仔’﹐好不威風﹗

丟手巾:
這個人人會玩﹐應該不用詳述。不過現今小朋友還有幾個帶‘手巾仔’呢﹗可能慢慢失傳﹐因用一般紙巾過輕了﹗

2008-5-28 06:25 AM mickeyGoUp
筆仙 :

哈哈哈!  講笑咋!  版主唔好取消我資格呀!!  呢個應該放響 異靈靈錄!

樓梯鬼:

哈哈哈! 硬係要同鬼有關!  玩法同玩 "捉" 冇咩大分別,不過就一定要響大廈(多數係住宅大廈)既走火後樓梯內玩。 通常會限定層數,太多層會較難捉; d 樓梯間越舊越暗就越好玩,亦有時會規定唔準搭 lift,不過搭埋lift會仲刺激,因為每次開 lift 門都會怕捉人果個會響 lift 口僕我地!

2008-5-28 07:05 AM ah_cho
[size=5]遊戲一:[/size]
掂牆
必需用品:一班同學仔,2幅打對面既牆
玩法:首先差一個輸家出黎做捉人嗰個,其他人就分開2邊牆,掂住!輸家就要去捉無掂住牆既人,其他人就不停喺2邊牆走嚟走去,每人唔可以掂住同一邊牆多過5秒,捉到就當輸!遊戲再發展落去再加多咗幾個秘技,eg:(for 無掂住牆in transit用)
保:雙手交叉放喺shoulder上面,唔準郁,要人有掂你先可以解
解:掂"保"咗嗰個,即係幫佢解穴
自解:勁茅!自己同自己解穴
踫解:2個保咗既人,一齊撞埋解穴
圍解:唔知點樣成班人圍埋,就話自己解咗!
Anyways啦,都幾好玩架!

[size=5]遊戲二:[/size]
橡筋繩
日日好努力攞阿媽啲橡筋嚟駁長條繩,再圍個波波帶返學校玩
個波波越長就越威 (其實係傻仔先會咁做,根本用唔到咁長,越長越要圍得耐,又會打結)
跳嗰時每人每個level有3次機會,3次都跳唔過就要渣繩
level係有ankle開始,每個level升一個手掌高度,check points有菠籮蓋,腰,下巴,鼻,頭
如果跳得過頭,就每個level加一吋 (其實以前都無人知一吋係幾多)
其他rule仲有:助跑幾遠,有無得"㩒"繩,可唔可以"拿"起條裙咁

Share一:(因為樓上有人講咗差唔多啦)
差皇帝 (差黃 for short)
個個識玩,但係輸咗要比人改花名
大舊石,肥花,阿姨,哨丫鬼,矮冬瓜,肥叉燒,金山橙,etc.....:pn19:
改花名
同老師改花名再日日喺佢面前叫
eg: 魚疍,大恐龍,肥Yau,chow chow狗,西瓜何,吳奶粉,撻成一塊,呃錢怪,狐仙老師:pn19: :pn19: :pn19: :pn19:

Share二:
傳誹聞
無中生有,班中永遠都有啲公認既醜男女
最喜歡將佢地同自己唔喜歡既同學佩成一對,再幫佢地以老公老婆相稱!
再唔係就好煩咁,成日喺你朋友仔耳邊講:阿邊個邊個鍾意你喎 (上堂中)

Share三:
人工圍牆
以前學校啲檯係2張2張咁拍埋
如果撞正同個唔frd既同學仔一齊坐,就要每日起圍牆
當然係用自己啲textbook起啦,基本上係圍住自己
等老師發現,頂你唔順,就會"調位" yeah!

Share四:
賣閃card
嗰時興dragon ball,yes card
我屋企開toys store,啲card好多,成日攞返學校賣比啲男同學,10蚊
20蚊咁賣,都好好賺架!
白card, 明閃,喑閃,閃中閃,隱閃,假閃,夜光,透明,自己整閃,咩都有!

打住咁多先,得閒再打!我打得多過2個,因為有啲都唔多算係game,係我細個成日做既嘢,share下!得啖笑!

:pn50: 其實都講得好清楚,有機個都唔算係game,係玩意,等我寫得再清楚啲啦,免得超蛋比人誤會雙眼唔好!

2008-5-28 11:22 PM mpiipm
回復 #1 ultraegg 的帖子

又話一次最多兩個﹐點解ah_cho可以寫咁多都冇事?鴛鴦眼嗎?:pn09: :pn09: :pn09:

2008-5-29 12:36 AM ultraegg
回復 #6 mpiipm 的帖子

mpiipm, 我講每次唔希望多過2個的原因, 係唔想太多遊戲由一位會員寫晒, 但我亦無硬性規定, 所以唔可以話係鴛鴦眼; 再者, 我亦無硬性規定每位會員只限參加一次, 加上嘈嘈已經講明:

[quote] 我打得多過2個,因為有啲都唔多算係game,係我細個成日做既嘢,share下!得啖笑![/quote]

所以唔需要太介意, 你亦可以寫多過2個. 而我定出"提供最多遊戲奬" 都係希望更多會員參與, 亦無定明只得一位會員可得此奬, 如果你有一樣數量或更多提供, 一樣有奬的.

最後, 呢個遊戲唔算係競賽形式, 希望你唔介意之餘更多參與!

2008-5-29 01:50 AM mpiipm
好啦﹗等我提供個核突的給您們:

仙女散花:一般人都有‘包雲吞’習慣﹐我舊同學喜歡用不同顏色的紙巾來包.
他會將所有‘製成品’全放進一個很薄很薄的雞皮紙袋﹐
而他鼻敏感所以雲吞超多﹐待袋滿後將吊扇開至最大﹐用力將那包雲吞扔上去﹗
那種美麗但極度嘔心的場面就會出現﹐非常難忘﹗

我中四、中五時全班都很變態﹐更有一個‘搞笑名人’與我同班兩年﹐可是當時他在我們之中惡攪天份都不在十名之內﹗
小弟今年已過四張﹐看看你能猜出那人是誰?周末公佈結果。

2008-5-30 07:41 AM 小神
[quote]遊戲一:
掂牆
必需用品:一班同學仔,2幅打對面既牆
玩法:首先差一個輸家出黎做捉人嗰個,其他人就分開2邊牆,掂住!輸家就要去捉無掂住牆既人,其他人就不停喺2邊牆走嚟走去,每人唔可以掂住同一邊牆多過5秒,捉到就當輸!遊戲再發展落去再加多咗幾個秘技,eg:(for 無掂住牆in transit用)
保:雙手交叉放喺shoulder上面,唔準郁,要人有掂你先可以解
解:掂"保"咗嗰個,即係幫佢解穴
自解:勁茅!自己同自己解穴
踫解:2個保咗既人,一齊撞埋解穴
圍解:唔知點樣成班人圍埋,就話自己解咗!
Anyways啦,都幾好玩架![/quote]

我都有玩類似..
但係我地係叫行線捉人..
o向操場度玩..
一定要跟住d 線行..
雙手交叉放喺shoulder上面(我地叫"荷", 都唔知點解咁叫)
解就一樣..又有踫解..不過冇自解同圍解..

第二個係紅綠燈過馬路要小心..
有一個人會面向牆講"紅綠燈過馬路要小心"..
之後其他人就向呢個人行埋去..
第一個人每次講完"紅綠燈過馬路要小心" 都會另轉面..
其他人就要停唔可以動..
一動就輸..
冇人動第一個人又會另番轉頭再講"紅綠燈過馬路要小心"..
直到有人行到埋去第一個人度打佢pet pet..
咁佢就會即刻轉身捉人..
其他人要走番起點..
如果d 人到晒起點個人都捉唔到人就輸..
比人捉要果個就要做對住牆果個lor

2008-5-30 07:49 AM ah_cho
我想問有無人識玩"小皮球"呀?
同埋個段係嘢點架?
唔知點解細個我學校無人玩,但係其他小朋友就識
我凈係識玩"黑白"

2008-5-30 09:34 AM joseph
今期是兒戲咁唔知下期會唔會係成人遊戲呢:pn28: :pn28:
OK言歸正傳,我最喜欢的遊戲是燒炮仗(只可以在新年才有得玩,可惜現在已被禁了)

2008-5-30 12:01 PM 小神
[quote]我想問有無人識玩"小皮球"呀?
同埋個段係嘢點架?
唔知點解細個我學校無人玩,但係其他小朋友就識
我凈係識玩"黑白"[/quote]

小皮球..香蕉油..唔記得la..
我都冇見過人玩..
黑白我都識..

重有玩何家公雞何家差..
其實係小朋友o既差妹..

重有玩小明..
小明, 小明, 小小明, 上上下下左左右右前前後, 火車捐山窿..

2008-5-31 01:15 AM mpiipm
耍(摸)盲雞:
我們有一次在離島渡假屋玩﹐連天台都用埋﹐矇眼同學差點跌落街呢﹗

圍毽:
當年一到小息便玩﹐我們還創了很多花式,踢幾耐?踢到爛迷收檔囉﹗

2008-5-31 02:15 AM mpiipm
大風吹:
因我讀中學時是做帶小學生的義務導師﹐當年那些家境不是富裕的小朋友特別投入,團體遊戲對他們來說真是很好玩呢﹗

收買佬:
又係一個要多人又分組的遊戲﹗最後認回自己物亂成一團時最印象深刻。

我手頭還有大把貨在手﹐嘻嘻。

2008-5-31 05:13 AM woodstock
[quote]ah cho: 我想問有無人識玩"小皮球"呀?
同埋個段係嘢點架?
唔知點解細個我學校無人玩,但係其他小朋友就識
我凈係識玩"黑白"[/quote]

小皮球, 香蕉油, 那兒開花一十一, 一五六, 一五七, 一八一九二十一,
二五六, 二五七, 二八二九三十一....... 如此類推數到一零一囉.
係咪用嚟玩波我就唔知喇, 我地係數住嚟跳"花繩"嘅(橡筋繩).
由一數到一零一分分鐘跳到抽筋架!:D

2008-6-3 12:25 AM mpiipm
好啦!寫多幾個當係獎勵。

大西瓜小芝麻:

圍圈坐,一人先開始,隨意向隔鄰說‘大
西瓜’或‘小芝麻’﹐但說‘大西瓜’時要用手比劃像雞蛋一樣細動作﹐而說‘小
芝麻’時剛好相反﹐要像抱大樹般拉大。收到訊息後﹐那人亦可選擇不同方向邊講
邊做﹐直至有人比錯講錯為止﹐便要受罰。

cha-chi cha-chi chi-bom-bom:

又是圍圈,一
人先開始,先說明方向,便邊講‘cha-chi cha-chi chi-bom-bom’邊做一個動作﹙摸頭、叉腰、揮手、踢腳等等)﹐做完後下位要邊講‘cha-chi cha-chi chi-bom-bom’邊做上一個動作﹐然後再講
‘cha-chi cha-chi chi-bom-bom’再加自己動作﹐第三個要依次做第一、二再加自
己﹐如此類推。現在‘無敵獎門人’其中一個環節就是從這遊戲變身而成。

2008-6-15 06:28 AM mpiipm
EYE KILLER: 顧名思義,用眼殺人。最少六人玩﹐每人派一隻牌﹐但事先要講明那隻
是殺人犯﹐派完遊戲開始﹐殺人王在掩藏身份同時要進行他的殺人大計﹐向其他人
單眼。和他有眼神接觸的就得默默的表示被殺﹐其他玩者要猜度誰是兇手﹐有人要
舉報,另一人和議﹐指証元兇。講住咁多先﹐有人想知多d再續。:P :pn55:

頁: [1]
查看完整版本: 兒時的遊戲


Powered by Discuz! Archiver 5.5.0  © 2001-2006 Comsenz Inc.