[狗狗] 剪趾甲 & 刷牙

狗狗是妹妹領養回來的﹐相處了一﹐兩年吧。領養回來的時候他已經有8﹐9歲了。幸好都很乖﹐而且可能以前已被訓練過大小便﹐所以沒問題。不會做甚麼 tricks, 唯有當他知道你帶他去街街時﹐你叫他 sit 他便會 sit... -_-  HAHA  但基本上一切都 ok.

但是他不讓我們剪趾甲和刷牙。他後腿 ok, 因為帶他出街事便便完他會“挖泥”﹐所以後腿的趾甲都是短的。但前腿很長。除了給人家剪﹐不灌醉他... 之外﹐還有甚麼方法可以令他給我們剪呢?

刷牙too!

剪指甲時他是好惡咁反抗，還是好像害怕地縮手？
或者你試下經常摸佢手仔，或者是你地平時相處時都同佢玩手仔，等佢習慣左比你地摸手板才試下幫佢剪，剪一下讚一次或者再加點零食比佢。(不過最好細細舊咁比佢，唔好比太多，我試過開頭幫肥肥剪時比佢呃成半包才剪完，因為剪果陣是逐點逐點咁剪，唔敢一次過剪得太入)
第二個方法就是搵多個人幫手，一個抱起佢一個落手剪，不過都最好溫柔點【乙水】佢，唔好咁惡。
同埋最好買定樽止血粉，因為新手都幾容易剪到血管，以防萬一都好。

至於刷牙呢，本應該由細開始要習慣才容易一點，不過你都可以試下同佢玩果陣放隻手入佢個口度玩 (其實是將手板打橫咁放入佢個口度，比佢【擔】下)，又係等佢習慣到比你用手搞佢的牙齒就無咁抗拒，我就覺得用紗布包住隻手指來幫佢摔比較容易過用牙刷

希望幫到你喇^^

唔知而家仲肯唔肯比你剪甲同刷牙呢？